十十川滬料理 (已結業)

旺角朗豪坊四楼十十川沪食川菜，喺food court嘅隔离，我同朋友未到七点去到，可直入，但系食到七点几八点就已经满座，见到啲侍应都忙。餐厅推出咗几个套餐，我同朋友两个人就拣咗个二人套餐，食物都几丰富，我哋拣咗椒麻鸡、杂锦小笼包、干煸四季豆、十十水煮海鲜、酥皮凤梨奶黄窝饼。当中较为出色嘅我觉得系干煸四季豆、杂锦小笼包里面绿色𠮶只最好食！系酸菜鱼小笼包，第一次食呢个口味，估唔到又Juice又夹。水煮海鲜我哋虽然只系拣咗小辣，但系个辣劲都几厉害，食到朋友满头大汗，而当中嘅海鲜就有蚬、鲍鱼、酸菜鱼，仲有宽粉同芽菜杂菇。我同朋友一致觉得酸菜鱼最出色。酥皮凤梨窝饼略嫌觉得佢嘅show皮厚咗少少，如果奶黄转做流沙奶黄相信会更加好食，凤梨嘅量多啲就更好。仲有就系，佢呢度嘅茶系麦茶，好香麦味，唔错。