老點點心竹筒飯 (已結業)

排队排左半个钟头，而且叫号既过程好混乱，几经辛苦先至可以入座，幸好有先比点餐纸我地划定食咩，一入座就帮我地落单，缩减等候时间。我地叫左灌汤饺、烧卖、斑兰马拉糕、安格斯牛肉肠粉﹑高汤小棠菜﹑海虾肉饼竹筒饭。灌汤饺质素几好，饺皮唔系太厚，质感都唔错，可惜鱼肚有点漂过的味道，打了一点折扣。烧卖不过不失，感觉上莲香居或香港仔周记既烧卖都好食过佢，价钱仲有点贵。安格斯牛肉肠粉，有牛味有肉味，完成唔系平时牛肉肠既肉质，但系肠粉唔够滑，我觉得鲜上肉响铃肠可能会好味Ｄ，下次会试下。马拉糕加入斑兰叶，味道清香唔太甜，好味。小棠菜既高汤几好，食唔太到味精味。竹筒饭望落细细个，但都有成碗几饭，但我地都唔太钟意用红米饭，影响左蒸饭本应有既米香绵绵既口感。不过个海虾肉饼味道不错，唔会太油腻整体上几好，价钱偏贵，但都可以接受。不过要企系马路边等好耐位，大热天时就咪预我喇。