Seoul Bite (金銘大廈) (已結業)

炸鸡黎讲一定系堂食好味过外卖，但如果一定要外卖嘅话有无咩好选择呢？今次就真系有啦，话说叫左Seoul bite嘅外卖，要左个两人餐。咁就拣左蜂蜜牛油味炸鸡同泡菜猪肉饭加2罐汽水。先讲个饭，饭量超多不过唔知系外送其间整淋左定本身啲饭都系咁淋，如果干啲会再好食啲，泡菜同椰菜嘅份量都多但猪肉就得四片唔系好够，如果两个人分就太少啦，不过味道系可以嘅，少少辣，食完一啖就想快啲食多啖。到个主角炸鸡，绝对系惊喜之作。经过长时间嘅外送黎到都脆卜卜，啲香味系咁涌出嚟。到食第一啖，佢个汁杰杰哋但又唔会太杰，挂汁之余甜味好突出，不过唔系糖个种死甜，系好食嘅甜味，鸡肉外皮脆入面乱骨就算摆多半个钟食都系一样。 而且份量好多有十几旧，两个人分享嚟食唔会唔够喉。最后跟餐要左两罐汽水，边食炸鸡边饮汽水睇戏真系一绝。值得推荐比大家。