新森林焗之專門店 (已搬遷) 新店位置

晨咁早嚟到旺角，已经plan定去边度食嘢，第一步就嚟到新森林...喺门口，我见到佢哋贴住一张"请在此排队"嘅字条，我估平时梗系好多人帮衬，but时间系11：20，入到去发现自己系第一个客，钟意坐边就坐边...枱面上得一张menu，选择好少，所以我问果个全程毫无表情嘅侍应(果阵得佢一个)仲有冇其他menu睇，根住佢先拎多份嚟，我心谂：「有冇搞错，坐咗喺度咁耐，你menu都唔会拎份比人架咩？！」我order咗一份"辛之软壳蟹焗芝士石斑饭"($39)，另外加多$5要个餐汤&蒜蓉包，等咗约15分钟，终于有得食啦...饭够软身，咖哩汁够香浓，而且份量够，块石斑亦好大块，软壳蟹食落脆卜卜，令宁静嘅餐厅，充斥住"拮呢格勒"(咬紧嘢食)嘅声音，蒜蓉包&罗宋汤虽然只系陪衬品，但包香脆，汤就多料，一句讲哂，好味...如果改善一吓服务态度就更好啦...