大勝豬扒清湯腩

营业中

休息中

YouTube 饮食男女好介绍：位于九龙湾得宝商场内Foodcourt嘅大胜猪扒清汤牛腩。肉饼饭餐价钱大众化，肉饼薄煎好大块，咸香脆口，调味如配饭适中，净食少咸。而且生肉球颜色粉嫩，一睇就知新鲜。劲推加流心煎蛋，以蛋黄沾肉饼配饭一流，增加味道层次，入口会醇厚好多。个人唔钟意太阳蛋嘅可要求反蛋，特别提醒唔要全熟蛋，少㶶边好正。另外，外卖咗清汤牛腩饭，南乳猪手饭，猪扒沙律茶餐返去做晚饭试匀signature items。（唔记得影相，sorr......😅）清汤腩嘅牛腩份量十足，白萝卜稍嫌唔够冧但尚算清甜，汤好重胡椒味，同一般清汤腩嘅汤唔同。猪手饭老公食，但系冇乜comment。佢一直想揾返之前佢食过嘅一间台湾猪手，十分香软入味，仲要炆到猪皮黏口。呢间似乎未达佢哋理想但系份量真系好足，见佢清盒又一大堆骨应该唔差，又抵食。猪扒沙律系下午茶餐，只需卅几蚊，猪扒返叮都好好味，冇过咸，肉质松软，如果即场食会更香。沙律系我喜欢嘅港式薯仔苹果沙律，啱我口味。整体价钱公道，味道都好好。呢间小店据悉曾喺美食战场大角嘴营业多年，实力有返咁上下，下次会覆桌再去食。