鹵家

营业中

休息中

与朋友一起去食午餐，朋友比较大食，拣左皇牌鸳鸯饭（盐香鸡+脆烧鸭），我拣左叉烧饭，另外叫左一份醉鸡卷。整体的食物「色」都好好，摆盘靓可以增加食客的食欲。叉烧饭中叉烧颇有水准，份量足，肉质虽不至于入口融化，不过好入味，忍唔住食晒。饭中仲有一只太阳蛋，只蛋就卖相唔错，味道就一般。朋友叫既是鸳鸯饭，饭是另上，饭同𩠌既份量都好足，男仔食都够。至于味道，鸡真系咸左d,朋友食得咸所以叫左盐香鸡，鸭的肥瘦刚好。我地另外点左醉鸡卷，酒味都少少重，鸡既肉质几好，系唔够香，每片上面的杞子帮佢加左分，份量足。不得不提，我地试左饮个无味精老火汤，汤料足，真系无味精，饮完都唔会觉得口渴，唔错。埋单每人$80左右，睇落有点贵，不过以味道同份量来计，都算抵的。