燒肉LIKE (家樂坊)

营业中

休息中

今日去旺角行街，途经家乐见到有好多间食肆喺地牢，包括有凑凑、Starbucks同埋呢一间烧肉like，喺门口已经闻到好香，所以就俾佢吸引咗啦！一入门口店员已经提示一定要用电子支付系唔收现金嘅！要用QR code点餐，由于疫情关系所以佢哋枱与枱之间都会中间隔开唔俾坐。佢有唔同嘅套餐包括牛五花套餐、烧肉like套餐、亦都有牛猪鸡组合嘅套餐，咁我就拣咗烧肉like套餐，包括左牛舌、牛五花同埋横膈膜肉，另外佢仲可以免费选择沙律或者系泡菜， 白饭都有分三个size，亦都可以加$12有樽装柠檬茶或者系蜜桃茶。我就叫咗250g价钱只系$125 ，原来都有好多块牛肉，牛五花就比较肥咗啲，不过𠮶个横膈膜肉就好有肉味，所以份量几多同味道都几好，呢度好啱单身人士嚟食。