炑八韓烤 (歐亞銀行大廈) (已結業)

星期日6:00 入座不用等位，三人食，叫了一个王者牛肋骨，有25cm 长，可请店员代为烧，因为真系好难烧，又有条大骨，都系交比专业既好，如果唔系就好浪费旧肉架啦～用左韩式腌法，好似烧汁咁，甜甜地，有少少筋但唔系太un,唔错唔错架，每人都食到4-5 块肉。有点似韩国个间站著吃烧肉既味同质感。又叫左个厚切五花腩，普普通通，不过不失，当然食韩式烧肉五花腩系不可或缺既。试左半份韩牛前胸肉，果真有肉味，食得出韩牛既香，小妹觉得好济，同行友人就觉得正过牛肋骨，因为佢系唔腌，好重牛香系真既。最后点左甜辣无骨炸鸡🍗有薯条伴碟。正正常常啦～赞：前菜同炉边蛋任fill 个蛋小妹觉得CP值高～怕比友人笑，所以都唔系道道菜有影。