樂面牛屋 (已結業)

去完中央图书馆，近近地见到乐面牛屋就心郁郁想食台湾野。餐厅里面都算宽敞，位都唔少，但系午市时间都已经full哂。最后点左一碗清炖牛肉面试，午市套餐仲有跟一杯野饮，有珍珠奶茶、绿茶等拣，我就试左养生之选姜母茶饮。清炖牛肉面：汤底清甜，闻落有阵阵药材嘅味道，有莞茜，有几块牛肉，唔算好焾，系厚实少少嘅口感，面质系圆圆地条状嘅，但我见到有其他客人嘅红烧牛肉面系扁扁个种，面亦唔会煮到好焾感。一路食面都不停饮左好多汤。配埋杯姜母茶十分满足，暖胃。