利苑粉麵

营业中

休息中

利苑嘅牛腩系清汤型，所以一食就知d牛肉好嘅，因为无得用浓味去掩饰。 牛腩非常松化， 完全唔韧， 冇多余嘅调味料， 花椒八角嘅味都冇。 实实在在系食牛肉嘅香甜。 唔知系咪我好彩， 旧旧牛腩都系齐齐整整啖啖肉。 因为有啲舖头会有一旧好肥，另一旧瘦到好柴皮。 汤底我觉得一般，略为普通。 但系佢个幼面算系几唔错， 好爽口完全冇碱水味。 地方比较细， 不过招呼好好。 侍应有礼貌， 叫油菜会问你食爽定淋， 好细心。 整体嚟讲， 收呢个价钱， 呢个质素嘅牛腩系好抵食。 全间舖头得廿个位， 食完真系要即走， 叫外卖可以返屋企慢慢叹。