莆田 (美麗華廣場2期) (已結業)

经过美丽华又未食晏，见到有个海蛎主题餐牌立即心痒痒，而且未食过莆田一路都想试下，机会黎喇。✨标榜养足300日，所以会更加肥美。饲养环境嘅海水咸度比一般既低，海蛎腥味会少d, 肉质都会更甜，望落好似好劲。✨居然有菊花茶，啱晒我呢d 热底人清下毒，个茶包仲要超大。✨百秒黄花鱼：平时唔系好食鱼，但黄花鱼系我会食既其中一种。个鱼超嫩滑同新鲜，食到鱼既原汁原味。连个鱼汁都好正，姜味重得黎好鲜甜。✨江口家乡海蛎汤：个汤既配搭好得意，有蕃茄，椰菜花，蛋花。饮落酸酸地得黎又有d 姜味同蚝香。海蛎好鲜嫩，一d 腥味都无。✨酥炒芋芯：外皮用糖炒过脆卜卜，里面既芋头好香，呢个真系超好食，如果芋头可以腍身d 就更加正。✨褔建特式海蛎煎蛋：海蛎超多，个蛋煎出黎唔会干，加埋d 葱花都几香，不过个质感食落系会浆住个口咁。✨兴化炒米粉：未食过d 米粉系咁幼，食落感觉好松化好软绵，而且好入味。入面d 紫菜脆脆地劲香，材料仲有虾，花生，蚬，瑶柱。平时唔钟意食米粉既我都觉得好好味，一定要试。