民聲冰室

营业中

休息中

电视D饮食节目成日都介绍大坑，今次朋友提议嚟呢度食，终于可以到此一游。不嬲都以为喺铜锣湾附近， 原来天后地铁站行去会近好多。呢间铺头唔系太大，我地要坐出面。我地点咗： 蒸肉饼 呢度嘅招牌菜，果然名不虚全。猪肉夹杂住D肥猪肉，加埋个豉油，送饭一流 炸莲藕片 好爽口，唔点沙律酱仲好味 口水鸡 份量少，鸡肉几嫩，个汁不错 乌头 好大条，蒸得啱啱好，个豉油好好味 蒸带子豆腐麻麻，带子得4片，豆腐唔滑＊＊ 怕猫人仕注意，因为坐路边关系，有三四只猫不停行来行去，其实佢地唔会行埋嚟。 如果惊猫嘅人好似我咁，连望一眼都唔得嘅，就记住坐室内啦。