老陳餅店 (已結業)

係元朗食完沙嗲牛之後周圍行下搵食，據聞有間戚風蛋糕出名即去一轉，「老陳」個稱呼感覺上有少少懷舊又親切嘅FEEL。小小的店子，文青的風格，木架上擺放了少許食玩作佈置，有張吧枱，方便即場食用。主打多款口味的戚風蛋糕，除了蛋糕，亦有售曲奇、爆谷、咖啡及飲品等。店子外牆有幅壁畫，好靚呀~打卡位來。要了伯爵茶、咖啡及柚子戚風蛋糕，每件$16，室溫擺放保存2日，擺雪櫃可保存一星期。因為唔係即場食，路途遙遠驚帶返家時已壓扁，趁仲完整即影相先。返到家(好彩唔算好扁)即試下伯爵茶戚風蛋糕，蛋糕口感軟綿濕潤，有淡淡的伯爵茶味，唔算好濃郁，清香之感，幾好味呢。柚子戚風蛋糕，淡淡柚子香，唔太甜，不俗。咖啡戚風蛋糕，有咖啡味，唔算好強烈，做早餐一流。幾好味的戚風蛋糕。