勝利小廚 (已結業)

何文田窝打老道一带看似住宅区，唔太多食店，但其实贵精不贵多。虽然佢食店唔多，但其实果树系有几间出名、或历史悠久嘅小店，佢哋全都聚集系同一条街 --- 胜利道。我最钟意食有边间？点止一间咁少吖。。。热狗店、日本面店、点心店，仲有我今次介绍嘅呢间。。。胜利小厨！呢间食店最出名系咩？其实有几款，但我最常食嘅系海南鸡，我绝多数系会叫海南鸡金边粉﹝因为我钟意食汤粉嘛，同埋饭嘅份量对我嚟讲太多，唔系好食得哂﹞。但既然要介绍美食俾大家，我今次都破例叫咗海南鸡饭。呢碟饭$50有找，我食过都好几间食店嘅海南鸡饭，佢嘅味道相比一啲价钱贵嘅食店有过之而无不及。佢个黄油饭唔会太油，亦唔会太干，味道刚刚好。个鸡绝大部份位置都去哂骨，真系可以用啖啖肉嚟形容。我最钟意点橙色个汁，酸酸辣辣好开胃，我今次试过混合两个汁一齐点，又都几好味㖞。呢间食店除咗海南鸡饭出名，多人食外，仲有泰国卤水鸭肉，泰式卤猪脾都好多人食。曾经试过一班人嚟食晚饭，点过佢嘅小炒，都好好味。可以话系，样样出色。