Estiatorio Keia (已結業)

第一次来呢到系食晚餐，觉得好好味，于是encore. 今次同男朋友来庆祝生日lunch. Buffet唔多选择，但胜在好味同算几精致。特别钟意食呢到既薄饼同包类。串烧都几有惊喜，但可以热啲。鱼生类都唔错，唔算超级鲜味，但可接受。主菜拣左海鲜意粉同牛扒。两样都好好味。上次来都食过海鲜意粉，个粉口感烟韧，龙虾汤香浓，食完唔会口渴。牛扒亦调味好好，食唔晒攞走，下一日再食都觉得仲系好好味。甜品好味但无咩惊喜，偏甜。最后有小小的生日蛋糕，侍应同厨师出来唱生日歌，气氛好好。顺带一提，呢到服务好好，环境光明光猛，人流唔多所以坐的舒服。一试无妨。