雲南風味 (已結業)

想试呢间好耐，今次终于有机会黎到﹗呢间小小的舖头都几偏僻，一坐低就叫左几样野：蒜泥白肉：好多蒜，好惹味，薄薄又带点肥膏o既猪肉，爽口又香﹗红油抄手：原来系冇馅的，不过个皮好薄好滑，唔知系咪自家整架呢﹖﹖好开胃呀﹗手拍黄瓜：呢个有应有o既爽甜同酸酸辣辣，好快又ko﹗夫妻肺片：虽然好食，但系分量比较少凉拌米线：有D肉燥，甜甜地又辣辣地，夏天食真系好爽羊乳饼：虽然个个都话好膻但系我觉得好似芝士咁香，所以我包办晒﹗所有食物价钱几平所以份量都偏细，所以后来食完一碟又叫一碟，追加的有：麻辣鸡煲：偏向麻多过辣，不过真系好惹味﹗特别系吸晒汁o既鸡皮﹗水煮牛肉：都系惹味食物，份量都系比较细，不过又系好快就清晒﹗虎皮椒舞茸菌：佢另外有一味系净虎皮椒，听讲系辣到喷火，今次就试左呢个先，个虎皮椒其实都唔系想像中咁辣，个舞茸菌咁咸咸鲜鲜咁，不过食得多就觉得咸左少少。总括黎讲，食物有水准，不过份量偏细，一次过可以试好多个菜，今次去都食左大部分想食o既野，至于下次想食果D都谂定﹗食物普遍都系有水准，亦唔系话好辣，价钱又相宜，抵去﹗