樂園魚蛋 (亞皆老街)

营业中

休息中

潮式粉面好多地方都有，梗有一间喺附近，但系其实都有啲好食同唔好食，我自己对于潮式粉面来讲最重要就系个汤底，如果汤底好味，成碗野都唔会难食得去边。今日去开旺角，就去试乐园鱼蛋专家，地点都几方便系先达隔离，而且间店舖好大，坐得都算舒服。下午茶时间，叫咗个牛三宝河，有牛腩牛根同埋牛肚，一嚟到就试咗啖汤先，汤底好有牛味，同埋唔会话好咸但系又够味嘅。另外潮式粉面我觉得第二样重要就系佢嘅辣酱，好味嘅辣酱简直系可以将碗面升华，而乐园嘅辣酱超好味，佢有啲麻香但系唔系四川𠮶只辣，如果碗嘢有10分，啲辣酱可能都占4分，佢嘅辣酱有啲蒜香有啲麻香，同埋个辣唔系话好劲，但都会食到出晒汗。佢嘅佢嘅牛三宝嘅份量都多，简简单单碗面都几满足。饮品方面嗌咗冻柠乐，下午茶柠乐都系加$8，其实都几抵食。佢既店舖都大，同埋员工都多，落咗单唔够1分钟食物已经送到，都几快手。想食潮式粉面都可以试吓。