六和素食 (已結業)

有朋友食素嘅，所以我哋每次同佢食饭都会试到新嘅素材素菜，今次对于我呢个食肉兽黎讲真系目前为止最好嘅素菜体验～ 因为我地得三个人，所以只系叫咗四个𩠌，难得嘅事我对每个𩠌都好满意呀！牛油果天香卷：中间系卷住炸过既椰菜丝，食落去好fresh, 另外不得不提，牛油果点左豉油wasabi真系超似三文鱼，宜家成日话三文鱼刺身有虫，牛油果就系最佳嘅代替品喇～ 菱角豆腐饺：滑嘟嘟既豆腐包住磨菇做馅，下面系同样又香又白滑既蒸蛋白，都几考功夫既一味𩠌，唔好睇少豆腐饺面果一块仔芫荽其实佢味道超浓，如果唔钟意食嘅人可以挑走佢先食～ 不过有左佢同粒杞子就为平淡嘅豆腐增添左味道～令我惊讶既三色刺身！应该系扮螺片三文鱼同吞拿鱼刺身～ 螺片同三文鱼如果你唔话我知我真系会以为自己食紧真既，系口感比真刺身弹牙烟韧，「吞拿鱼」其实味道同「三文鱼」相似，不过我冇食过真既吞拿鱼刺身就唔乱比较喇～最后系砂锅云吞素鸡煲：啲姨姨帮我分左先上我地太快食冇影相，好多菜同菇，啲素鸡口感同味道都好似真鸡！！素菜云吞多汁好食！汤既胡椒味稍嫌浓左少少，但都系好味既～ 不过我地三个人share呢个煲真系饱左啲呢度既服务好好嫁～ 经理同楼面啲姨姨都