影片
更多
2016-04-19
360 浏览
几个旧同学聚旧，想去打边炉，有人介绍黎呢到打，咁咪试下啰。秘制老鸭锅: 坐低之后例牌拣左汤底先，咁多个汤底真系唔知拣咩好，店员话呢个秘制老鸭锅系招牌菜，咪拣呢个啰。呢个老鸭锅有半只/一只鸭拣，我地人唔多，所以拣左半只，汤底有淡淡既药材味，里面有红枣片，素翅，萝卜，杞子等等，加埋鸭的甜味，汤滚左而未落配料既时候我地都试左半碗，都几好味。手切肥牛: 因本人唔食牛，所以同行朋友叫左一碟细本地手切肥牛，牛切得薄，卖相唔错，脂肪均匀，好新鲜，碌一碌就食得。蟹子鲜虾滑+ 蟹子墨鱼滑: 虾滑加左蟹子，好特别，食落好爽口，都好重虾味，送黎既时候仲会帮你将蟹子捞匀，都算细心墨鱼滑就几好，烟烟韧韧，系汤底中碌左好耐口感都无变。黄沙猪润: 其实猪润好有益，因为含有大量铁质，女任食多d可以补充返每月流失嘅血量 ！呢到D黄沙猪润爽口唔会太鞋，唔错。鲜虾云吞: 鲜虾云吞都几大粒，馅料有虾肉同猪肉，食落鲜味爽口。四宝丸: 四宝丸有牛肉丸， 虾丸，鲮鱼球和墨鱼丸，每款丸类都系手打，牛丸有点实，可能碌得耐得滞，墨鱼丸外色十分之雪白，肉质松软爽口，虾丸口感最特别，食落内暖外爽。什菇拼盘: 什菇拼盘有金菇，鸡脾菇同埋冬菇，
秘制老鸭锅: 坐低之后例牌拣左汤底先，咁多个汤底真系唔知拣咩好，店员话呢个秘制老鸭锅系招牌菜，咪拣呢个啰。
呢个老鸭锅有半只/一只鸭拣，我地人唔多，所以拣左半只，汤底有淡淡既药材味，里面有红枣片，素翅，萝卜，杞子等等，加埋鸭的甜味，汤滚左而未落配料既时候我地都试左半碗，都几好味。
手切肥牛: 因本人唔食牛，所以同行朋友叫左一碟细本地手切肥牛，牛切得薄，卖相唔错，脂肪均匀，好新鲜，碌一碌就食得。
蟹子鲜虾滑+ 蟹子墨鱼滑: 虾滑加左蟹子，好特别，食落好爽口，都好重虾味，送黎既时候仲会帮你将蟹子捞匀，都算细心墨鱼滑就几好，烟烟韧韧，系汤底中碌左好耐口感都无变。
黄沙猪润: 其实猪润好有益，因为含有大量铁质，女任食多d可以补充返每月流失嘅血量 ！呢到D黄沙猪润爽口唔会太鞋，唔错。
鲜虾云吞: 鲜虾云吞都几大粒，馅料有虾肉同猪肉，食落鲜味爽口。
四宝丸: 四宝丸有牛肉丸， 虾丸，鲮鱼球和墨鱼丸，每款丸类都系手打，牛丸有点实，可能碌得耐得滞，墨鱼丸外色十分之雪白，肉质松软爽口，虾丸口感最特别，食落内暖外爽。
什菇拼盘: 什菇拼盘有金菇，鸡脾菇同埋冬菇，冬菇吸左汤汁几好味，食落新鲜爽口。
炸腐皮卷: 炸腐皮卷附上甜酸汁，可以当熟食亦都可以当火锅配料，个人就钟意当火锅配料，腐皮卷一放入锅内十几秒后拎地，吸左汤汁后仍然脆脆地，唔错。
招牌水饺: 细细粒好鬼得意，饺皮很薄，虽然包著左D猪肉，但系可惜葱味过浓，除左葱味之外真系食唔到任何味道，唔系太合本人既口味。
呢间火锅店都算几有特色，除左一般火锅配料之外仲有唔少小食，最特别既系泰式虾饼，下次有机会真系要试下。
张贴
