五福園

营业中

休息中

一向食开布拉肠粉，呢啲皱皮肠粉比较少见，潮州，台山同广州都好常见，以前要食，就要返深圳。呢款皱皮肠粉，唔系食滑的，第一次食，见店员系即叫即整，喺不锈钢盘淋上米浆，再加生鸡蛋(或 肉碎 或猪润)，蒸两蒸，攞出来，用筷子了两了，整到皱皮，淋啲豉油汁，就上碟。肠粉皮偏薄，以为会好滑，但食第一啖就知，同布拉肠粉口感好唔同，我当时觉得好Raw好粗糙，肠粉偏干，比平时食开的肠粉鞋口，但入口第一下就停唔到，因为米香味强烈，皱皮肠粉咬落唔黏口，咬感有啲弹。食过几次五福园，个蛋香味系好大陆𠮶只，肠粉米香亦浓，口感亦有少少咬劲，个人觉得系香港最正宗大陆皱皮肠粉只味。