八時神仙草 (希慎廣場)

营业中

休息中

同好朋友系铜锣湾行完街揾个地方tea time,希慎B2新开左好多食店，我地落去揾到呢间八时仙草，见卖相几吸引，价钱唔贵，味道几惊喜，仲要甜度好适中，好味道！🥢芋泥桃胶奶冻呢杯饮品系微暖，芋泥超充足，饮落好顺滑，有芋泥同奶香味道，仲有啲桃胶，饮落好养生。🥢圆仔芒果甘露冻芒果甘露冻有一半都系芒果泥，饮落芒果味道几清香，有啲烟韧圆仔增加左口感👍🏻🥢红豆紫米粥盛盘红豆紫米粥煲得好绵密，而旁边嘅红豆煮得好清甜软腍，我仲加左麻糬同抹茶雪糕，抹茶配红豆好夹，而且个抹茶雪糕十分香浓💯好味道🥢圆仔芒果嫩仙草盛盘仙草份量好多，食落同平时食个啲仙草唔同，食落系一粗一粗嘅丝条状态，听店员讲因为八时嘅烧仙草系高温加热个时系液体状态，稍微放凉慢慢凝结成冻，因为八时嘅仙草为减少外来添加物而唔加入碱，反而系靠仙草干本身释放嘅胶质同熬煮八小时而整成架，果然系真自家制，而旁边嘅芋圆同薯圆好大粒，够味道，我另外仲加左香草雪糕，加落仙草度食好正。