阿叔泰麵 (積信街) (已結業)

平时行过呢间餐厅都见到出边有条人龙，今日就特登同阿仔去试吓佢。我哋到嘅时候约下午1:30，餐厅仍然系满座，好在企咗冇几耐就有人埋单，所以唔算等得太耐。餐厅用嘅系长形餐枱，所以客人们都系排排坐，坦白讲，唔系坐得好舒服。我哋被安排坐喺餐厅里最入面靠墙的位置，要埋位嘅时候比较辛苦，因为实在系好逼夹，好处系食嘢嘅时候唔需要让位俾出出入入啲人。餐牌上面嘅选择唔算太多，我哋一心嚟食船面的，咁就不作他想，就要咗两个牛肉船面。除此之外，仲要咗一个细分嘅阿叔拼盘，饮品方面，阿仔要咗一杯泰式绿奶茶，我就嗌咗泰式奶茶。牛肉船面到喇，先饮一啖汤，微辣，汤底浓郁，牛肉味重，唔错，我钟意。呢个船面我哋拣咗金边粉，始终咁样比较似正宗嘅船面。配料方面有猪皮、肉丸、芽菜、豆卜等，都系一般船面会食到嘅嘢。阿叔拼盘上有四个小食，分别系鸡翼，炸鱼饼，冇骨凤爪同埋椰汁西米糕及椰子啫喱。坦白讲，鸡翼同埋炸鱼饼都系一般，叫做中中规中矩，𠮶无骨凤爪酸酸辣辣几开胃，因为唔想食甜嘢，所以两个甜品就俾阿仔搞掂。至于两杯饮品，因为唔记得咗叫少甜，所以我就嫌佢甜咗啲，不过茶味都叫做浓，所以系可以的。埋单连加一差唔多三旧水，唔算系平。但系今时今