黎恩記

营业中

休息中

星期五，亚女学校假期，打同佢去离岛行下食下，见有成三年冇入长洲，之前又见有介绍呢间粥店嘅片，就打算八点一早入来（因为佢收12点），来到十点，见有几枱客，我当然要点我的例牌：艇仔粥，炸両，亚姐话佢哋冇炸両只有油炸鬼同肠粉，咁我就点了油炸鬼，个女叫肉丸粥，首先来了艇仔，我比亚女食先，佢即话好好味（佢平时唔食粥架，我都好奇怪）然油炸鬼，肉丸粥，都到了，油炸鬼正常啦，因炸起已一段时间，味道唔系特别突出，脆度亦唔觉有，普通啦！肉丸比较实，弹牙嘅，唔似自己打？粥底真系绵同香，有甜味，唔太咸，冇味精，似屋企人用心熬煮比家人食咁，然我女比返碗艇仔粥我，用料新鲜，料份量都多，有鱼片丝（呢个原来系艇仔粥𩆜魂）鱿鱼，猪皮，因为打算响𡷊上再食下其他小食，所以堂食就食住呢啲，见佢切比客人啲松糕好松软，我小时候食过印象中有啤酒味，小甜，我唔系咁钟意，但见到咁靓又想试下，陈皮红豆糕又似几特别，就买咗呢两糕又一件打包走，落船食，松糕真系好软弹，但我真系唔钟意呢个味道（可能食惯马拉糕）陈皮红豆糕，真系好香陈皮，多红豆，系好味嘅！质地偏实（我唔知红豆糕系咪要实先好味，定应该似马豆糕偏软嘅呢？）