馬祖台灣養生湯麵館 (V Point)

营业中

休息中

咁好耐无出过铜锣湾，难得出去就揾野食。见依间马祖都好似好健康就入去试下。入面都几大几新，疫情下都将啲位既距离隔远左，所以都几舒服。员工态度都几nice，感觉几好。咁餐厅选择都多既，一人餐好似几抵食，又小食，又主菜，又饮品。叫左两个一人套餐，一个要虫草花药膳农场鸡跟饭，一个要药膳农场醉鸡米线，小食要左一个盐酥墨鱼春卷同一个盐酥台湾澎湖特A级花枝丸。先黎既系虫草花药膳农场鸡跟饭，先饮啖汤，系好清甜，有啲药材味，虫草既香都出既。食落啲鸡好嫩好入味！仲要比左只鸡脾我，真系好满足！仲要好好咁比左只碗我装骨，依个位好细心。之后就系药膳农场醉鸡米线，个汤系好明显一饮就有啲酒香，但都系好好咁有少少药材味，好正。米线唔会太多，晚餐黎讲岩岩好。鸡又系好入味，酒味几浓，整体系好好食。又系有碗装骨，抵赞。之后小食盐酥墨鱼春卷同盐酥台湾澎湖特A级花枝丸，个春卷入面好实好多墨鱼肉，好有咬口。花枝丸就几弹牙，墨鱼都多既，口咬都好有层次，有硬有软。跟餐仲有杯野饮，要左杯无糖茉莉花茶，同一杯爱文芒果茉莉花茶。咁无糖个杯饮落好清新好岩夏天饮，好解渴。爱文芒个杯就唔会太甜，芒果味都几重。唔错。