麵屋神匠

营业中

休息中

去到旺角，肚好餓，突然想食拉麵，最近就係呢間就入左去，除左拉麵仲有沾麵，小食都幾多款揀。我地揀左蟹白湯拉麵，蝦濃湯拉麵，同埋炸芝士年糕。麵係無得揀軟硬既。蟹白湯係勁清甜，仲有一絲絲蟹肉，非常好味👍👍👍 麵係幼身麵，叉燒因為慢煮既關系，有d 似食緊火腿。蝦湯拉麵比較濃味，我個人喜好清淡口味，所以蟹湯我比較喜歡。配料同我個碗一樣。炸芝士年糕係我仔食既，外脆內軟炸得幾好，唔會太油。下次經過會再試埋其他湯。