首爾家韓國料理

营业中

休息中

上次同M佬嚟铜锣湾食首尔家，主打韩烧，肉嫩汁香，但M佬话韩烧试唔到餐厅厨师嘅真章，所以今次我哋嚟就食韩式地道料埋，睇吓又啱唔啱我哋口胃先。叫完嘢食，即刻为你送上6碟泡菜，醒醒胃！紫菜牛肉包饭包饭最怕就系紫菜变淋，好彩呢度嘅keep到香脆，而饭包住牛肉、红萝卜、黄萝卜、鸡蛋、青瓜同芝麻，麻油味香，但又唔油腻，唔错。人参鸡汤趁天气冻，食番个人参鸡补补先！汤底清香，完全无味精感，重口味人仕就唔啱喇！鸡肉煲到好绵，而鸡入面嘅糯米就入晒味，正！越饮觉得参味越香浓，原来餐厅落足料，有成2条人参，饮完之后，这个冬天不太冷。炆牛肋骨牛肋骨炆到好软嫩又多汁，非常入味。而惊喜在于白萝卜，M佬话好香甜呀（不过，我就无食，因为人参同萝卜费事抢埋一齐啦）！年糕饺子拉面辣年糕汤底配上饺子，同上次一样，饺子皮薄多汁，而年糕烟韧入味，唔错。