瑪拉小廚 (已結業)

依间野有唔少好评，于是小羊宝宝就订左位星期六晚去试，一去到，间舖不大，都好多人，咁arm又有一张系成班人去（十个左右），出唔到台，经理老虎仔kashi好亲切咁同我地讲唔好意思要等阵。座低左叫野，芒果沙律、猪肋骨半条、四季薄饼，杂锦铁板。本以为份量唔多，二人叫四道菜，但完全错估，食到好饱要打包，小羊几钟意沙律个酸汁，猪肋骨就甜甜地但不算漏，铁板杂扒都不错，烤得少少干身刚好，而且食到肉味虾味，但我地个位大风，吹凉左差少少，一上即食好应该好正，仲叫左个雪糕芝士蛋糕甜品。个蜂密乳酪奶昔都好好饮。要一提经理老虎仔真是个好亲切，原来宝宝串通左老虎仔俾个意外惊喜小羊，仲播埋自选冧歌。言谈间听得出佢既真诚 ，希望大家去食野都有点良心，佢分享左的低水准食客既行为，例如放飞机唔取消（仲订果阵话要特别庆祝，搅到人地花时间画只碟），又有的横蛮人R折头，其实小羊宝宝觉得依个分量依个水准唔算好贵，4-6人去食比较好。二个人细食基本上只食到二三个菜已经好到肚。