點心到 (鴻星大廈)

营业中

休息中

同爹哋出咗去油麻地做嘢，见到呢间点心店，好耐之前食过佐敦店唔错，就同爹哋入去食点心晚餐。虾饺- 皮薄馅靓，虾肉满满，爽口有虾味。烧卖- 有原只鲜虾铺面，卖相吸引，猪肉爽调味好。鲜虾腐皮卷- 炸得腐皮好酥脆，馅料有虾又有猪肉，仲有芫茜香味，沾喼汁食好正。韭黄鲜虾肠- 肠粉皮薄得嚟又烟韧，会唔会淋啤啤一夹就烂，里面只虾大大只，新鲜爽口。卡通流心芋蓉包- 卡通表情有啲浅色甩色，卖相有待改善。馅食得出真系用芋头做，唔系加色素嘅紫色，真材实料有淡淡嘅芋头香气。榄仁马拉糕- 马拉糕正常发挥，质地松软得来系比较扎实嘅一种，蛋味甜味适中，上面仲有两粒榄仁，如果再多啲就仲好。笼仔凤爪排骨饭- 用荷叶铺底，饭粒都吸左荷叶嘅香气，而且粒粒分明，加上排骨同埋凤爪嘅汁精华，呢个饭好好味。排骨肉质松化，凤爪都大大只而且入味。