越北牛肉粉專門店

营业中

休息中

OT完刚好系太安楼附近收工，就当然约埋同事食埋个晚餐先返屋企，同事就带左我去越北食个越南菜。餐厅光线好足，空间感都大，所以坐得都系舒服嘅。食物方面都有好多选择，有汤面、饭、小食…仲有得一人火锅添。我地叫左两个汤面套餐，先嚟升级左两杯特饮- 薄荷青柠梳打同埋三色咸柠七。两杯饮品都唔错，解渴一流。同事就嚟一碗 越北生牛肉汤河，系店中招牌之选。同事话个汤底味道浓得嚟又唔会咸，半生熟嘅牛肉够嫩滑，而河粉都好滑身，亮点就系加少少鱼露酸甜汁一齐食，即刻令到整碗汤河升级晒，酸酸甜甜超开胃。我就系蕃茄蟹肉扎肉虾丸汤檬，浓郁嘅蕃茄汤底已经好吸引我，入口仲好鲜甜，而入面仲有鲜甜嘅蟹肉、弹牙虾丸同埋有咬口感嘅扎肉，再加埋爽口嘅檬粉，唔我口味…大爱。