豚王 (威靈頓街)

营业中

休息中

今日lunch同同事又去威靈頓街搵野食，經過豚王竟然冇人？同朋友即係衝入去食，鐘意食拉面既我只食過一蘭同一風堂，豚王真係未識過，今次終於有機會啦，鋪面唔大，坐起黎都幾逼，應該正係可以坐到1x人，鐘意食辣既我點左赤王，辣度3，太面硬度普通，朋友就點左比較重口味既黑王。赤王先試左個湯底，湯濃唔算真係好辣，最重要係辣冇蓋過濃湯，而且感覺辛多過辣。老實講，我覺得豚王好味過一蘭，可能對岩我口味啦。朋友個黑王超大陣蒜味，佢仲飲哂個墨魚汁湯底，但佢食完之後個口好大陣味呀，哈哈，果然重口味。