唐包點 (已結業)

昨晚放工返屋企无饭食，因妈出街无煮饭，所以我就系西湾河站一出闸就见到嘅唐包点嘅蒸饭，于是就买两个返屋企食，一个系凤爪排骨饭$18，另一个系北菇鸡饭$18，又唔需要排队，又唔需要等，而且职员又好有礼貌。我和妹返到屋企就即刻打开胶盖，并倒入附送嘅蒸饭豉油，大家都觉得好好味，无论鸡、排骨、凤爪及饭，都蒸得啱啱好，啲鸡肉及排骨都蒸得好滑唔会觉得好干，又入味又唔会觉得好咸，而且价钱比中环站分店平好多，真系好食又抵食！份量适合女士及小朋友，如果男士，我觉得就要食两个至够啦。