深仔記 (已結業)

今曰同朋友踩单车入大埔, 晒左成朝, 朋友话都系时候食吓嘢, 抖一抖啦, 咁就拣左依间叫深仔记嘅餐厅开餐。可能啱啱做完运动比较肚饿啦, 我哋两个人都叫左几多嘢吓, 先黎牛腩捞同云吞捞, 然后整个肉丸粥同炸油条, 再加两碟油菜。朋友唔食牛, 所以牛腩捞我一个人KO哂。牛腩炆得好淋, 好够味, 如果唔系朋友唔食得, 我一定会叫埋牛筋试试。捞面都唔错, 特别系加左腩汁, 唔太干之余, 用黎送牛腩一流。至于云吞, 鲜虾味十足, 大大粒, 一啖食完最痛快。再黎试个肉丸粥, 猪肉丸算唔太浓味果只, 食落单牙, 粥底食落清甜, 如果想食得清啲嘅话, 依个粥啱哂, 另外, 油条帮你切埋上枱, 方便share, 可能因为好耐冇食过油条, 我哋竟然仲叫多一客嚟食, 劲!最后食埋油菜, 有生菜同通菜两种。个灵魂系蚝油同腐乳, 加埋少少辣椒酱食, 真系冇得输! 我谂依餐可以算得上系粥粉面大餐!