Fish & Chick (MONTEREY Place)

营业中

休息中

呢间英式炸鱼薯条店，我一直以为只得西环海旁一间，而且一直都无缘帮衬。但喺将军澳揾食咩晏昼期间，发现澳南海岸原来有间分店，唔使考虑咁多，就你啦。午餐包头盘、主菜、饮品，每项都有多款选择（有啲款式要另外加钱）。炸鲜蘑菇沙律、传统英式炸鱼（蓝鳕鱼）配薯条、冻柠檬茶（$98）炸鲜蘑菇外层脆，里面仍锁住蘑菇啲水份，好味道。沙律菜清爽。炸鱼份量大而且厚身，炸到金黄色好靓，表面洒咗些少盐。炸粉厚薄适中，十分脆口，但唔硬实，兼且唔油腻。蓝鳕鱼（纽西兰）肉质扎实，唔嚡但有咬口，有鱼味但带好少量可接受嘅鱼腥味。他他酱调味不错，配埋炸鱼一齐食好夹。薯条系粗身，脆口，少量油但可接受。冻柠檬茶用 250ml 啤酒杯装，味道普通，系一般西式餐厅嘅味道。自家制蘑菇汤（+$12）、传统英式炸鱼（石头鱼 +20）配薯条、冻柠檬茶（$98）蘑菇汤浓厚菇味，香滑幼细，味道不错。石头鱼（纽西兰）份量适中但再厚身啲，鱼肉肉质嫩滑，鱼味比较淡，零鱼腥味。