Mee...lemongrass (Megabox) (已結業)

去MegaBox睇完戏，同层都唔少好嘢食。今日就拣咗价格比较相宜嘅Mee...lemongrass星马菜餐厅。招牌无骨海南鸡饭整份套餐包括招牌无骨海南鸡、油菜、猪骨汤同油饭。份量都好足够。鸡好软滑、配埋萝卜丝同青瓜片食，非常之清新。猪骨汤亦好鲜甜。泰式蚝仔蛋铁板上嘅蚝仔煎蛋，底下有芽菜，所以蚝仔煎蛋唔会喺铁板上继续烧到㶶哂。蚝仔比例都算多，每一啖都食到蚝仔，而且仲好肥美新鲜。椰汁千层糕甜品叫咗椰汁千层糕，睇只颜色，应该系有班兰嘅。千层糕口感烟韧美味，好掂。最后饮埋草莓芝芝冰茶同十胜红豆泰・奶茶。草莓芝芝冰茶草莓味浓，芝士奶盖香浓。十胜红豆泰・奶茶，十胜红豆好甜好好味，奶茶幼滑香浓。餐厅用咗出而饮品铺用嘅杯，饮唔哂仲可以拎埋走，够哂方便。