鳴橋燒肉料理 (已結業)

星期日系旺角行左成日街，已经肚饿到不得了，睇openrice附近有间食烧肉放题，好评如潮，价钱都合理，就去大食一餐去到门口“和”味十足，门口有两个大灯笼写住居酒屋同平时放题一样，都有剔剔纸比你选择食物，食物种类不算太多大概有一百款左右，实行贵精不贵多而为免经常换炉及方便，餐厅系每个炉上都放上纸隔一隔，食得健康d，冇咁易㶶系度叫食物有样野值得赞，永无漏单及足食物数量大虾系放题中，系度食到既虾都算大只，烧既时候虾头同身都系连系一齐，证明系新鲜，系烧既过程中传出阵阵鲜味，令人食指大动，虾身好爽口弹牙，正！一口牛肉粒牛肉粒大细岩岩好，放系炉上面烧大概一分钟就食得，外层烧到有点焦香，咬入去时有小小粉色，肉汁锁实哂系中间，肉汁咇哂出黎！炸天妇罗可以话系餐厅得意之作，以前出面食炸天妇罗必定会觉得好油腻，食一件就已经好够，但今次餐厅真系即叫即炸，炸粉够薄，食落口好脆，食到蔬菜既原味之余，又不觉得腻炸虾足足有我只中指咁长！系餐厅有个传统就系结帐前（即last order）会将三条鱼放系你面前，相当有趣