韓日屋燒烤放題 (已結業)

个日同女朋友去旺角行开, 又到食饭时间但系又唔知食咩好,唯有行去兆万睇下有咩岩食, 见到呢间又有放题又有得韩烧, 佢一定唔会say no, 而且睇OP既comment 都唔错,以就胆粗粗上左去。估佢唔到上到去情调唔错,招呼都好, 入到座之后仲会有人话比你知点叫呀同埋有咩送。 讲开又讲, 佢会送一人一只刺身虾, 来到个时我都吓左一吓, 因为我开头以为佢都系送大甜虾, 估佢唔到系一只牡丹虾, 入口好鲜甜, 真系估佢唔到呀!佢寿司做得唔错, 唔会好大旧,搞到好似想用饭塞饱你咁,细细旧等你可以试多几个唔同既,我最钟意既系火灸鱼背, 烧到有少少㶶, 咬去佢啲鱼油出晒来真系好正点!另外佢既刺身全部都好新鲜, 仲要下下都系厚切, 食落真系好口感, 正!!!烧既野佢真系有好多比你拣, 咁多样烧既野, 我首推薄牛, 有得比你叫佢做薄牛, 佢就真系几薄下, 但系因为咁, 佢好易烧, 就算你唔系好识烧野食都唔使怕会系咁烧㶶啦! 而且佢腌得唔错, 唔会话抢左本身牛既味。仲有牛粒都好精彩,系juicy 既, 其实仲有其他海鲜烧,都好好食!!!仲有甜品, 呢样野本身男仔又真系唔太好, 但系女朋友迫你又可以点? 不