深味餃子 (已搬遷) 新店位置

喺荃湾打完拳之后好肚饿想揾饺子店食，上网就揾到呢间就黎试下，餐厅装修几别致，就咁睇唔似般饺子店setting, 沙发超级舒服好坐。我先点左小食樱花虾鸡翼，鸡翼卖相几靓，表面布满樱花虾， 而鸡翼本身系蜜糖鸡翼，甜度好够，每啖都食到蜜糖味，鸡翼肉质嫩滑，熟度啱啱好，饮品方面我拣咗苹果雪梨山楂水，非常滋润，消滞排毒，男女都啱饮，主菜我点左汤饺双拼，分别系云耳椰菜同埋野菌猪肉饺，汤底味道较清但好润，客人可以选择沾辣油或者醋调味，饺子馅足料，特别野菌味好香。