海幸壽司 (已結業)

下午到旺角睇新车，途经胜利道，上次食过间西餐唔错，但西餐旁开左间新的日本野未试过，于是就去试下。间日本野叫海幸，个名几好听，因为英文系miyuki，好似系女仔名咁样。入面装修好靓，好日式，bar枱有8个位左右，坐枱就大约20个。我地坐咗晌bar枱，点咗北海道三品丼同埋同埋杂锦天妇罗。前菜有浅渍白萝葡，好好味，唔会腌过头。其实呢味叫konomon，系一个日本西南边一个岛的传统食物。佢地整得好好食。个天妇罗先黎，卖相及味道均不错，炸半熟蛋如餐牌的图一样好。不过一啲调味都无，建议下次加少少味落去，一系就落重本用啲比较好的蛋。值得一提系佢个饭好好食，软硬适中，不愧为做sushi的店舖，令到我地对佢个三色丼有好大期待。之后终于到北海道三品丼黎，有三文鱼子，三文鱼同海胆。虽然唔系好多料，但系就排得好靓，而且100蚊都唔驶，所以唔可以有太大要求，合格有余。食后觉得材料ok新鲜，玉子唔会干。不过最惊讶系佢个饭，因为天妇罗果个饭好好食，于是就对呢边呢个饭有期望，点知又硬又冻…(>_<)，好难令人相信…整体黎讲都ok，唯读系高级侍应晌客人面前闹果个新人侍应，令其他人进食时不快，下次可以改善