翰騰閣 (已結業)

今天原本想食韩国铁板烧，但老公又话想去又一栈饮茶，去到见到话3时就茶市完，望吓个表成2点5个字，重点敢入去呢！去咗楼下间翰腾阁，之前个姪孙摆满月食过，茶市就未试过嘞，咪入咗去试吓啰‧都OK，冇话个个挂著收枱收嘢唔理客人‧叫咗茶睇紧点心纸o既时候，有个姐姐走埋嚟话佢哋午市有做啲炖汤，一个人份量都够两个人饮，问我哋试唔试？咪试吓个猪肺汤啰，点知卖晒，就改试个木瓜炖山斑啦！之后再叫多5款点心，两款炸物好新鲜，即叫即炸𠮶种；小笼包就要趁热食嘞！好快个皮就硬，里面啲汤又唔多够；柚皮鸭掌，老公嫌柚皮太稔，鸭掌算入味，唔太咸；个汤里面有花胶、鸡脚、瘦肉一齐炖，都好甜；最后就要介绍一下我今餐o既最爱「露笋带子肠粉」，真系好正，想番都想即刻去食过，但切记唔好落咁多豉油，否则就会抢走带子o既鲜甜(老公话带子细粒咗)‧虽然带子细细粒，但配合肠粉o既滑，同整条肠粉都系带子，并冇唔足料，原来带子配合肠粉比鲜虾配合肠粉嚟得更绝配呢(不过一定要新鲜)！不过埋单连贴士要$300.00，一个午餐嚟讲就见人见志啦！