101手工涮涮鍋 (已結業)

识打既，梗系最热先黎打边炉。打完真系打唔返转头近排日日都30几度，梗系要去打边炉啦。相约友人系位置方便既尖沙咀既101手工涮涮锅。门口及带位既侍应姐姐态度亲切，值得称赞，跟住经理即问要唔要叫左野饮先，可能佢见到我大汗叠细汗，所以即刻叫返杯巨峰提子冰加可乐，真系透心凉。然后侍应姐姐就递给我们小食及九宫格配料，野食黎得好快，主打梗系牛肉啦。佢地d牛肉真系好多雪花，加埋惹味汤底，真系无得弹。蜂巢豆腐唔系度度有, 今日拣个三杯鸡汤底味够浓, 用黎配蜂巢豆腐素哂汤底先食正到不得了; 另外不得不提既系佢地成只筷子咁长既蟹柳，真系好鲜甜，肉质弹牙有咬口，唔会一咬就散哂。仲有就系佢地既响铃，成支500ml既饮品咁大支，第一次见到时真系有d吓亲，建议唔好浸太耐，爽爽地最好食。佢地既手工野都好好食 : 鱼皮饺，黑松露饺子，鱼肉攘豆卜，仲有几款手打丸都几有特色，可以一试。食饱埋单仲有甜品送，香芋味奶冻。是日大满足也。