胡爐 (已結業)

打边炉系我屋企最钟意嘅食物之一，朋友介绍咗尖沙咀厚福街嘅胡炉，就约埋屋企人一齐去食。间铺都易揾嘅喺厚福街行到最入𠮶栋大厦就系啦。坐低睇咗张餐牌就觉得朋友冇介绍错，单单系汤底已经有十几只，有海鲜有羊，有猪手，有鸭，当然仲有鸡，钟意食乜都有齐晒，仲好足料架㖞，我地有小朋友，就叫左手打牛丸同手打墨鱼丸，爽口弹牙又juicy。仲叫左手工鱼皮饺同埋手工云吞，大大只啖啖肉。菜就叫左杂菌拼盘，大大只鸡髀菇，吸晒汤汁好好味。最后加埋稻庭乌冬同埋竹蔗水就饱晒喇。大人就食好野，肉都瞓咗好多款，好彩佢哋有拼盘叫今次就叫咗个胡炉牛拼盘入面五个不同牛部位嘅肉喺度，牛舌心就够晒软淋，手切肥牛同埋极上手切牛颈脊两款都好好味，肥牛脂肪比例比较多，牛颈脊就偏向肉质比较嫩滑，牛胸爽就如同其名好爽口，最后说霜降牛肉粒牛肉味就最重最有口感喇。以前佢地set计，原来已经转左散叫喇，下次打边炉多个2地方选择喇。