新麻蒲 BBQ (東港城) (已結業)

入冬后天气开始转冷，今日冻冻地，就心思思想去食烧肉。嚟到东港城，就拣咗呢间"新麻浦"食啦。由于今日7点钟就嚟到，可以时间尚早，唔驶等位就可以直接入座，正呀。打开menu，入面有各式各类嘅烧肉可以选择，花多眼乱，霜降牛肉、五花肉(猪)乜都想食，都唔知点拣。突然见到一个牛肉套餐，里面有3款牛( 特级霜降牛、秘制牛肋排、 LA牛肋骨)，仲有大虾、蘑菇、猪肉香肠。霜降牛嘅肉质真系唔错，D脂肪分怖得好平均，好靓，但又不会太过油。而秘制牛肋排和牛肋骨都有事前调味，甜甜地，好味。最正嘅系有个部队锅，一次过可以食晒烧肉和部队锅，双重享受。食吓烧肉，又食吓辣辣嘅部队锅，再食吓D前菜清吓个口腔，然后又食返烧肉……真系可以食唔停口。