韓閣 (已搬遷) 新店位置

Weekend 去荃湾行吓，先去医肚，行经呢间韩国野见有d人等位，八吓个餐牌都吸引就拎飞等一阵。走左隔离间纯银店行吓又有收镬，买完就有位啦!!唔好睇佢店细细，炸鸡、人参鸡、无骨猪手、铁板、部队锅都有先送上牛骨萝卜汤牛骨系牛肋骨都几大件肉厚，萝卜煮得够淋又入味，成个汤好清甜，又可以补吓血气。谂住点炸鸡，几款都好吸引咁，最后点左半份 酸甜酱油鸡，一黎到香喷喷热辣辣, 摊左阵先食到~ 酱汁做几好，完全做到酸、甜、酱油味，好有层次，3个味道都好balance 。仲有好多芝麻 , 好香哩！鸡皮外层炸得脆口，肉又滑，虽然系半份，都唔少吖餐牌仲有优惠价可以加点食物饮品, 我地加左$12 点左橙汁菠萝梳打, 红豆抹茶牛奶最后点埋韩国蟹酱石锅饭 ,除左蟹膏酱, 仲有松叶蟹肉,蟹子加埋红萝卜丝,菠菜 , 好足料. 连鸡蛋一齐捞匀，啖啖蟹味，鲜味十足。最正连饭焦都脆卜卜，正！