湘聚漁樂圈 (已結業)

抵食湘菜-今次特登嚟食酸菜鱼，仲有好多唔同湘菜特色嘅小菜食，小菜份量大，而且味道够正宗，性价比几高！-巧拌鱼皮（$58）司令首先叫左个开胃冷盘鱼皮😚，鱼皮口感非常爽口，一啲腥味都冇，酱汁做得好惹味，食落味道已经好冲击，舌尖有满满嘅泡椒味😍，味道好开胃，以冷盘来讲份量够哂多！-白辣椒炒鸡杂（$148）鸡杂食落好新鲜弹牙😘，白辣椒味道本身带点咸香，应该用盐腌过，感觉有少少似冬菜，味道香辣，好啱送饭一齐食。-老坛酸菜鱼（$268）黎到主角酸菜鱼，司令叫左桂花鱼，鱼肉好大块，食落好有鱼鲜味。汤底饮落好creamy，麻香味好够，香料落黎好足料，味道好有层次，如果再酸d就perfect☺。入面有酸菜、豆腐，同扁薯粉，薯粉食落有d痴埋左一旧，有d又劲冧，有d又好好食，系依到减左少少分😛。