廚十三老壇酸菜魚 (太子集團中心) (已結業)

第一次系香港食酸菜鱼，选择咗呢间系尖沙咀嘅厨十三！地点好方便，尖东站L5出口行一两分钟就到。佢系十八楼，可以望到一半嘅维港！只可惜我哋去𠮶晚天气麻麻哋，如果有烟花嘅日子去呢间应该可以食住嘢，唔洗同人迫又欣赏到靓靓维港夜景坐位好宽阔，同朋友仔聚下旧，又或者同男朋友仔拍下拖都几唔错，无用膳时间限制一坐低有职员俾纸巾我哋处理口罩，然后介绍有咩推介之选，又有好清甜嘅玄米茶俾我哋定一定神，慢慢谂想食咩，整体服务嚟讲很自然，很不错食物方面，我哋试咗最细份嘅酸菜鱼，好大盘，加咗薯粉，我同朋友两个人食都好够！辣度有得调整！呢样系我同朋友都好欣赏嘅，因为我哋都好怕会太辣，职员听完之后帮我哋安排咗系baby辣，我哋都食到，好开心！酸味够，鱼又好新鲜！好味，唔错唔错！我哋仲叫咗碧绿脆笋同埋酥炸无脸男，份量唔算多，不过味道都可以啦!