十三少 (已結業)

出元朗做完野劲肚饿，孖同事去食呢间元朗好出名嘅酸菜鱼医肚。十三少酸菜鱼酸菜鱼可以少辣👍🏻店员介绍系用鲜鱼骨熬制，可以饮左汤先。汤真系几鲜甜，唔系得个酸，同事都饮左两碗。鱼片冇骨真系好方便，大大块啖啖肉。其他材料有炸过嘅菇片、芝麻、酸菜、萝卜、莴笋片，好丰富。麻婆豆腐劲好𩠌饭嘅一味，整体唔会好辣啱我地口味。豆腐滑到夹唔起，再入味啲就更加好食。椒麻皮蛋第一次食呢种金黄色嘅皮蛋，好有惊喜。事关普通皮蛋如果就咁凉拌好易有阵味，呢只皮蛋就完全冇问题，啲辣油好香，酸酸辣辣几过瘾。红糖糍粑食完辣野要再食甜野中和翻😌红糖糍粑即叫即炸，热辣辣食外脆内烟韧，好正。红糖酱唔会死甜，仲有浸蔗糖香味。两碗白饭大碗到满泻，但所有𩠌都好啱𩠌饭，结果清晒。