銘興酸菜魚 (已結業)

有段时间无黎大角咀奥运呢个区，今日约旧同事食个午餐聚会，朋友大肚特别想食酸辣嘢，就拣一间有酸菜鱼。铭兴招牌无刺老坛酸菜鱼（小辣） $58 配米线，米线系比较幼身，入口比平时食开嘅好滑身，每一块鱼片都冇骨，汤底鲜甜，食完碗面都冇口渴嘅感觉。麻辣水煮鱼（小辣）$58 配红薯粉，好惊喜呢碗面好好食，有豆卜娃娃菜，小小微辣好过瘾，更餐送一盒纸包饮品，亦都可以加钱换罐装可乐。另外我哋仲叫咗几个小食 ，凉拌青瓜小食$35 ，呢个拍青瓜真系有心思，有腌过嘅蒜蓉粒，洒上新鲜脆卜卜的花生。脆脆香小酥肉小食 $40 有子盐粉香味，没有太大嘅油腻感，好香脆香炸墨鱼饼小食$40， 朋友清碟，点泰式辣酱，墨鱼饼好弹牙。中午时段餐厅都收到好多外卖订单，原来外卖仲有9 折，好抵食，推介系附近返工既朋友。门口午市餐单好平好抵食$58起，就行入去入座。