錦麗 (創紀之城五期(apm))

营业中

休息中

趁假期来到APM食午餐。之前听人讲话呢间铺头特登请左个越南师傅来煮河粉， 又见成日咁多人排队所以试一试。叫咗一个杂锦牛河加一杯椰青崩大碗。个杂锦牛河有牛丸牛腩同生牛肉，所有牛都好好味。牛丸非常弹牙好有肉味，牛腩好林，牛肉就好滑，总之三款牛都正啦。讲到杯饮品，本来想叫薄荷青柠梳打，但系见到有一个椰青崩大碗，自己细个都几钟意饮崩大碗，所以胆粗粗试一试。呢个嘢饮你平时嘅崩大碗无咁大浸草青味，而且有一椰青香嘅清甜，如果你系可以受到一啲草青味嘅话可以试一试，感觉好清新。另外仲试左个牛油蒜香鸡翼，但系只不过系将揸咗嘅鸡翼加上牛油同蒜蓉，冇乜特别嘅味道，呢个𩠌比较普通。唔好意思，食完先记得影相