榮式燒雞扒 (屯門時代廣場北翼)

营业中

休息中

中午去屯门行完街，谂住揾个地方食个饭，见到呢间餐厅几多人排队，食物睇落都唔错，于是就即刻排队！可能系午饭时段，都几多人等位，大约等左１０分钟左右先入到去。咁荣式烧鸡扒，入到去紧系食鸡排啦，入到去坐落谂都唔洗谂呀，餐牌都未睇就叫左个鸡排饭先！上菜速度都好快，禁左５分钟手机就送到。块鸡排质素都几好，烧得好香(个人钟意有少少㶶)，又易咬，刀叉都唔洗用，系嫌多油左少少。虽然得块鸡排同个饭，但食落真系唔斋，因为ｄ汁捞饭真系一流！个饭加埋杯朱古力(味道一般)就50蚊左右，话贵唔贵，但抵唔抵就见人见智，食落味道就唔差既。但一个唔好既地方就系，地方非常非常非常窄！座位同座位之间好迫，真系转个身都唔得，坐落真系唔舒服。