靚煲皇 (已結業)

好味鸡汤煲上星期天气又凉，就去左旺角食胡椒猪肚鸡，打个边劳，饮个热汤。胡椒猪肚鸡，大煲，料都好多，应该有半只鸡。我地先饮下个汤，吾错，胡椒香，小小辣，仲有好香鸡味，味不浓但有粟米同红萝卜一齐煲，带有甜味。鸡件煮熟都吾鞋，鸡肉嫩滑够新鲜，连鸡皮食仲正。雪花肥牛，件数吾算多，但系级数都好，牛味浓，好味。流浮山鲜蚝，好多粒，大大粒，新鲜有蚝味。极上黑豚肉，厚切，有肥肉，所以猪味正，入口溶。黑松露墨鱼丸，八粒手打丸，吾错。最后当然要食返出前一丁，饱晒。